I-upload ang mga tala ng user profile

Ipinapaliwanag ng gabay na ito kung paano i-upload ang mga profile ng inyong mga biyahero sa Spotnana gamit ang CSV file. 

• Kayo ay kinakailangang tiyakin na na-upload o nagawa na ninyo ang mga tala ng inyong legal na entidad bago simulan ang pag-upload ng mga tala ng biyahero. Mahalaga ito dahil bawat user o biyahero ay kailangang naka-ugnay sa isang legal na entidad.
• Kung balak ninyong iugnay ang inyong mga user (mga biyahero) sa mga opisina, tiyakin munang na-upload o nagawa na ninyo ang mga tala ng opisina bago simulan ang pag-upload ng user records.

Maaari lamang gawin ang prosesong ito kung kayo ay isang administrador.

1. Mag-login sa Spotnana Online Booking Tool.
2. Piliin ang Users mula sa Program na menu. Lilitaw ang pahina ng Travelers.
3. I-click ang Upload CSV file. Lalabas ang dialog box na Upload user data.  
4. I-download ang template sa pamamagitan ng template na link. Sundan ang mga tagubiling nakasaad sa ibaba.

Mga tagubilin sa pag-upload ng file para sa user records

Para sa detalye ng mga field na nilalaman ng CSV file, tingnan ang seksyon ng HR file format sa SFTP - Mga Tagubilin para sa HR feeds.

• Bawat user profile na gagawin ay kailangang naka-ugnay sa isang legal na entidad. Dapat ay nakarehistro na ang mga legal na entidad na ito sa Online Booking Tool (OBT) bago kayo mag-upload ng mga user. Opsyonal lamang ang mga opisina. Ngunit kung may user sa CSV file na naka-ugnay sa isang opisina, dapat ay na-upload na rin ang tala ng opisina sa OBT. Siguraduhing eksaktong tumutugma ang mga pangalan ng legal na entidad at opisina sa file ninyo sa mga nakarehistro na sa OBT.
• Kung wala pang naunang user sa OBT para sa inyong organisasyon, blangko ang inyong template at maaari na kayong magdagdag ng mga hilera. 
• Kung mayroon nang isa o higit pang user sa OBT ng inyong organisasyon, makikita na ang mga rekord na iyon sa inyong template. Maaari kayong magdagdag, magbago, o magtanggal ng mga hilera ayon sa pangangailangan.
  • Kung nais ninyong tanggalin ang isang user, hanapin ang kaukulang hilera at itakda ang ACTION na field sa DELETE. Matatanggal ang user mula sa OBT kapag natapos ninyo ang pag-upload ng file.
  • Kung nais ninyong baguhin ang impormasyon ng user, hanapin ang kaukulang hilera. Gawin ang kinakailangang pagbabago at itakda ang ACTION na field sa UPDATE. Maa-update ang user sa OBT kapag natapos ninyo ang pag-upload ng file.
  • Kung nais ninyong magdagdag ng bagong user, magdagdag ng bagong hilera at itakda ang ACTION na field sa CREATE. Madaragdag ang user sa OBT kapag natapos ninyo ang pag-upload ng file. Siguraduhing natatangi ang employee ID o email (hindi kapareho ng anumang kasalukuyang user).
• Huwag baguhin o tanggalin ang mga nilalaman ng header row ng kolum (ang hilera sa itaas ng file na nagsasaad kung para saan ang bawat kolum).
• Huwag baguhin ang pagkakasunod-sunod ng mga kolum.
• Huwag magdagdag ng anumang kolum.
• Tiyaking may laman ang bawat kinakailangang kolum para sa bawat hilera. Ang mga kinakailangang kolum ay may tandang bituin (*). 
• Gumamit lamang ng mga titik at numero sa inyong mga halaga. Para sa email address, maaari ninyong gamitin ang simbolong “@” (myname234@companyname.com).
• Palitan ang karaniwang pangalan ng CSV file (template.csv) na inyong ia-upload at idagdag ang petsa ng pag-upload. Makakatulong ito kung kakailanganin ninyong mag-troubleshoot ng anumang isyu sa mga tala.
• Tanggalin ang anumang puwang sa dulo ng bawat halaga. Hindi dapat may natitirang espasyo sa hulihan ng inyong mga nilalaman.
• Kung gumagamit kayo ng mga field ng user profile na partikular sa inyong organisasyon, tiyaking kasama ang mga kaukulang kolum at halaga para sa bawat user sa inyong CSV file. 

Activity Feed

Maaari ninyong makita ang kasaysayan ng pag-upload ng mga tala sa Activity Feed. Ipinapakita rito ang mga nakaraang upload at maaari ninyong ayusin batay sa Success, Failure, Pending, Partial Failure. Upang makita ang Activity Feed:

1. Piliin ang Users mula sa Program na menu. 
2. Kapag lumitaw na ang pahina ng Travelers i-click ang Activity Feed na button (matatagpuan sa kaliwa ng Download na button). Lalabas ang Activity Feed panel. 
3. Upang salain batay sa katayuan ng upload, piliin ang nais na halaga mula sa Status na menu. 
4. Upang makita ang detalye ng anumang upload, i-expand ito gamit ang pababang arrow sa kanan.