Pasadyang Ulat

Sa pamamagitan ng Pasadyang Ulat, maaaring gumawa ng sariling ulat ang mga administrador ng Company at TMC, at piliin ang mga sukatan (katangian), panala (filter), at petsa na nais nilang isama. Kapag nakagawa na, puwedeng i-save at baguhin ang mga ulat na ito para magamit sa susunod na pagkakataon. 

TALAAN NG NILALAMAN

• Pasadyang Ulat
  • Paano gumawa ng ulat
  • Paano patakbuhin ang isang umiiral na pasadyang ulat
  • Paano baguhin ang isang umiiral na pasadyang ulat
  • Paano gumawa ng kopya ng isang pasadyang ulat
  • Paano idagdag o alisin ang isang pasadyang ulat sa iyong mga paborito
  • Paano tanggalin ang isang pasadyang ulat
  • Paano i-download ang isang pasadyang ulat

Paalala tungkol sa mga termino: 

Ang mga datos na maaari mong isama sa iyong pasadyang ulat ay hinati sa mga sumusunod na kategorya:

• Mga Sukatan (halimbawa, Kabuuang Gastos)
• Mga Katangian (halimbawa, Uri ng Pag-book, Trip ID)
• Mga Petsa (halimbawa, Petsa ng Transaksyon)
• Mga Parameter (Target Currency)

Narito pa ang ilang termino na maaaring makatulong habang ginagamit mo ang pasadyang ulat:

• Widget – Isang tsart o talahanayan na nilikha mula sa mga napili mong datos. Minsan tinatawag din itong “visualization.”
• Ulat – Isang koleksyon ng isa o higit pang widget na nakabatay sa tiyak na set ng datos at may mga nakatakdang setting. May mga gumagamit na tumutukoy dito bilang “dashboard.”

Paano gumawa ng ulat

1. Piliin ang Company reports mula sa Analytics na menu. Lalabas ang Company reports na pahina. 

2. I-click ang Create report na button (nasa itaas na kaliwa). Lalabas ang Create report na dialog box.

3. Ilagay ang pangalan ng ulat sa Report name na field.

4. Maaari ring maglagay ng maikling deskripsyon ng ulat (opsyonal). 

5. Pindutin ang Confirm. Lalabas na ang pahina ng pasadyang ulat (makikita ang pangalan ng ulat na ginawa mo).

6. I-click ang Add widget na button (nasa itaas na kanan).

7. Pumili ng datos na nais mong isama sa iyong pasadyang ulat. Ang mga datos ay nakaayos ayon sa Mga Sukatan, Mga Katangian, Mga Petsa, at Mga Parameter. Para isama ang isang partikular na datos, lagyan ng tsek ang kahon nito. Ang bawat napiling datos ay magiging isang kolum sa iyong ulat.

   • Maaari ka ring maghanap ng datos gamit ang search feature. 

   • Ang Popular na tab ay naglalaman ng mga datos na madalas mong ginagamit. 

8. Pindutin ang Go na button (nasa itaas na kanan). Lalabas na ang napili mong datos (bawat datos ay isang kolum). Para magpalit ng view mula talahanayan patungong tsart o kabaliktaran, i-click ang View table o View chart. Maaari mo ring baguhin ang hitsura ng datos gamit ang button sa kanan (icon ng bar graph). 

9. Kapag tapos ka na, pindutin ang Save widget. Lalabas ang Pin to Report na dialog box.  

10. Piliin ang ulat kung saan mo gustong i-save ang mga datos na ito (halimbawa, ang ulat na kakagawa mo lang) at i-click ang Pin. 

11. Lalabas ang kumpirmasyon na na-save na ang resulta sa napili mong pasadyang ulat. Maaari kang pumili kung gusto mong Tingnan ang ulat o Magpatuloy sa paghahanap. I-click ang Tingnan ang ulat (maaari ka pang magdagdag ng datos anumang oras). Ang iyong pasadyang ulat ay makikita na sa listahan sa ilalim ng Self-Serve (menu sa kaliwa). 

Paano patakbuhin ang isang umiiral na pasadyang ulat

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Awtomatikong tatakbo ang napili mong ulat. 

Paano baguhin ang isang umiiral na pasadyang ulat

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Lalabas ang pahina ng napili mong ulat. 

3. I-click ang Edit. Lalabas ang mga button na Add note, Add filter, at Add parameter .

   • Para magdagdag ng tala, i-click ang Add note at ilagay ang nais mong tala (maaari mong ayusin ang itsura ng teksto kung gusto mo).   

   • Para magdagdag ng panala, i-click ang Add filter. Tandaan na ang Add Filter na button ay magiging aktibo lamang kung may datos na ang iyong ulat. Lalabas ang Add Filters listahan. Piliin ang angkop na panala, ayusin ito ayon sa gusto mo (halimbawa, piliin ang mga halaga), at i-click ang Apply.

   • Para magdagdag ng parameter, i-click ang Add parameter. Tandaan na ang Add parameter na button ay magiging aktibo lamang kung may datos sa ulat na nangangailangan ng parameter (halimbawa, Target Currency o Gross Spend). Lalabas ang Parameters listahan. Piliin ang nais na parameter, ayusin ito ayon sa gusto mo (halimbawa, pumili ng partikular na pera), at i-click ang Apply. 

4. Kapag tapos na, pindutin ang Save. 

Paano gumawa ng kopya ng isang pasadyang ulat

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Lalabas ang pahina ng ulat.

3. Piliin ang Make a copy mula sa … menu sa kanan. Lalabas ang Describe your report na dialog box. 

4. Ilagay ang pangalan at deskripsyon para sa kopya ng iyong ulat. 

5. Pindutin ang Save. Mabubuo ang bagong ulat at makukuha nito ang lahat ng widget mula sa orihinal na ulat na kinopya mo. Maaari mo na itong baguhin ayon sa iyong pangangailangan. 

Paano idagdag o alisin ang isang pasadyang ulat sa iyong mga paborito

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Lalabas ang pahina ng ulat.

3. Pindutin ang icon ng bituin (star) para idagdag ang ulat sa iyong mga paborito. Kung nais mo namang alisin, tanggalin ang pagkaka-check sa bituin. 

Paano tanggalin ang isang pasadyang ulat

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Lalabas ang pahina ng ulat.

3. I-click ang Delete report (nasa itaas na kanan). 

4. Tatanungin ka kung gusto mo talagang tanggalin ang ulat. I-click ang Delete. 

Paano i-download ang isang pasadyang ulat

1. Piliin ang Company reports mula sa Analytics na menu. Lalabas ang Company reports na pahina.

2. Piliin ang nais na pasadyang ulat mula sa Self-Serve menu (nasa kaliwa). Lalabas ang pahina ng ulat.

3. Piliin ang Download PDF mula sa … menu sa kanan. Lalabas ang Download na dialog box. 

4. Piliin ang nais mong Format (Report, Visualizations), Layout (Portrait, Landscape), Branding, at ilagay ang anumang nais na Footer text. 

5. Pindutin ang Download. Made-download ang PDF na bersyon ng iyong ulat.