Itakda ang aksyon para sa pag-apruba

Maaari mong piliin kung anong uri ng pag-apruba ang gagamitin para sa mga booking na pasok o labas sa itinakdang patakaran. 

• Walang aksyon - Kapag ito ang napiling uri ng pag-apruba, lahat ng booking ay tuloy-tuloy at hindi na kailangang aprubahan. 
• Maluwag na pag-apruba - Kapag ito ang napiling uri ng pag-apruba, tuloy ang booking hangga't ang tagapag-apruba hindi tinatanggihan ang booking. Kung tatanggihan ito ng tagapag-apruba, awtomatikong kakanselahin ang booking.
• Mahigpit na pag-apruba - Kapag ito ang napiling uri ng pag-apruba, ang booking ay awtomatikong kakanselahin maliban kung aaprubahan ito ng tagapag-apruba. Kung inaprubahan naman, tuloy ang booking.
• Pasibong pag-apruba: Walang kinakailangang pag-apruba para sa ganitong uri ng booking. Gayunpaman, makakatanggap ng abiso sa email ang tagapamahala o itinalagang tagapag-apruba tungkol sa booking. 
• Blokeadong booking: Hindi papayagan ang booking. Dahil hindi ito matutuloy, hindi na rin kailangan ng pag-apruba. Para lamang ito sa mga booking na labas sa patakaran.

Para sa mga booking na ginawa ng ahente gamit ang "manual form", awtomatikong magkakaroon ng pasibong pag-apruba. Sa ganitong paraan, siguradong alam ng tagapamahala o tagapag-apruba ang tungkol sa booking. 

Paano itakda ang uri ng pag-apruba

1. Mag-login sa Online Booking tool.
2. Piliin ang Mga Patakaran sa Program na menu. 
3. I-expand ang Patakaran na menu sa kaliwa.
4. Piliin ang Default na Patakaran (o ang nais na patakaran) mula sa menu.
5. I-expand ang Pangkalahatang seksiyon.
6. Hanapin ang Mga aksyon ng grupo ng patakaran na seksiyon
7. Pagkatapos, itakda ang pag-apruba sa Walang aksyon, Maluwag na pag-apruba, Mahigpit na pag-apruba, o Pasibong pag-apruba para sa bawat uri ng booking, para sa parehong pasok at labas sa patakaran (tingnan ang Pagtatakda ng mga patakaran sa pag-apruba para sa paliwanag ng mga uri ng pag-apruba na ito). Bukod dito, may Blokeadong booking na opsyon para sa mga booking na labas sa patakaran.
   • Air (para sa pasok at labas sa patakaran na booking)
   • Hotel (para sa pasok at labas sa patakaran na booking)
   • Riles (para sa pasok at labas sa patakaran na booking) - Dahil sa mga limitasyon ng mga kompanya ng tren kaugnay ng panahon ng pagkansela at refund, hindi magagamit ang maluwag at mahigpit na pag-apruba para sa riles. Maaaring itakda lamang sa Pasibong Pag-apruba or Wala.
   • Sasakyan (para sa pasok at labas sa patakaran na booking)
8. Maaari mo ring itakda kung sino ang tagapag-apruba: Tagapamahala ng empleyado o isang Itinalagang tagapag-apruba. Kung pipiliin mo ang Itinalagang tagapag-apruba, kailangan mong i-click ang Magdagdag ng Tagapag-aprubaat magtalaga ng isa o higit pang tagapag-apruba.
9. I-click ang I-save ang mga pagbabago kapag tapos na.