Paglilimita sa mga gumagamit sa pagbu-book

Tanging mga administrador lamang ang maaaring magsagawa ng gawaing ito.

Maaari ninyong pigilan ang ilang gumagamit na makapag-book ng biyahe. Maaari ninyong itakda ang mga limitasyong ito ayon sa bawat gumagamit, bawat legal na entidad (lahat ng gumagamit sa nasabing entidad), o bawat bansa (alinman sa antas ng gumagamit o legal na entidad). 

Paano tingnan ang mga gumagamit o legal na entidad na may limitasyon

1. Mag-login sa Online Booking Tool.
2. Piliin ang Kumpanya mula sa Programa na menu.
3. I-click ang Booking Restrictions sa kaliwang bahagi ng menu sa ilalim ng Configuration. Lalabas ang Booking restrictions na pahina. 
4. Piliin ang User na tab. Makikita rito ang listahan ng mga gumagamit na may limitasyon. Ang bawat limitasyon ay maaaring sumaklaw sa isa o higit pang mga gumagamit, legal na entidad, at/o mga bansa. Ginagamit ang mga “group” upang pagsama-samahin ang mga gumagamit, legal na entidad, o bansa sa isang limitasyon.  
5. Upang makita ang detalye ng mga setting ng isang limitasyon, i-click ang pindutan ng pag-edit (lapis).

Paano magbago o magtanggal ng limitasyon sa gumagamit

1. Mag-login sa Online Booking Tool.
2. Piliin ang Kumpanya mula sa Programa na menu.
3. I-click ang Booking Restrictions sa kaliwang bahagi ng menu sa ilalim ng Configuration. Lalabas ang Booking restrictions na pahina.
4. Piliin ang User na tab. Makikita rito ang listahan ng mga gumagamit na may limitasyon.
5. Maaari ninyong tanggalin o baguhin ang buong limitasyon ng gumagamit. Hanapin ang nais ninyong i-edit o tanggalin na limitasyon.
   • Kung tatanggalin: I-click ang delete (basurahan) na pindutan. Lahat ng gumagamit at legal na entidad sa limitasyong iyon ay muli nang makakapag-book (hangga’t wala nang ibang limitasyon na pumipigil sa kanila). 
   • Kung mag-e-edit: I-click ang edit (lapis) na pindutan. Pagkatapos, baguhin ang mga setting ayon sa inyong nais at i-click ang Save. Para sa gabay kung paano magtakda ng limitasyon sa gumagamit, tingnan ang Paano magdagdag ng limitasyon sa gumagamit.
6. Maaari ring tanggalin ang mga gumagamit, legal na entidad, bansa, o grupo mula sa kasalukuyang limitasyon. Hanapin ang limitasyon ng gumagamit na nais ninyong i-edit at i-click ang edit (lapis) na pindutan. Pagkatapos:  
   • Upang tanggalin ang mga gumagamit mula sa isang limitasyon, hanapin ang kaukulang grupo at i-click ang delete (basurahan) na pindutan upang alisin ang mga nais na gumagamit mula sa limitasyon. Ang mga gumagamit na ito ay muli nang makakapag-book (hangga’t kabilang sila sa legal na entidad at bansa na pinapayagan ding mag-book). 
   • Upang tanggalin ang legal na entidad mula sa isang limitasyon, hanapin ang kaukulang grupo at i-click ang delete (basurahan) na pindutan upang alisin ang mga nais na legal na entidad mula sa limitasyon. Ang mga gumagamit sa legal na entidad na iyon ay muli nang makakapag-book (hangga’t walang limitasyon sa antas ng gumagamit o bansa para sa kanila).
   • Upang tanggalin ang bansa (sa antas ng gumagamit o legal na entidad) mula sa isang limitasyon, hanapin ang kaukulang grupo at i-click ang delete (basurahan) na pindutan upang alisin ang mga nais na bansa mula sa limitasyon. Ang mga gumagamit sa legal na entidad o bansang iyon ay muli nang makakapag-book (hangga’t walang umiiral na limitasyon sa antas ng gumagamit, legal na entidad, o bansa para sa kanila).
   • Upang tanggalin ang buong grupo ng limitasyon, hanapin ang kaukulang grupo at i-click ang delete (basurahan) na pindutan upang alisin ito. 
7. I-click ang Save kapag tapos na.  

Paano magdagdag ng limitasyon sa gumagamit

1. Mag-login sa Online Booking Tool.
2. Piliin ang Kumpanya mula sa Programa na menu.
3. I-click ang Booking Restrictions sa kaliwang bahagi ng menu sa ilalim ng Configuration. Lalabas ang Booking restrictions na pahina.
4. Piliin ang User na tab. Makikita rito ang listahan ng mga gumagamit na may limitasyon. Para sa bawat limitasyon, makikita rin kung ilang gumagamit at/o legal na entidad ang sakop nito.
5. I-click ang Add new. 
6. Piliin ang Add new user restriction mula sa menu. Lalabas ang Restricted users na pahina. Ang mga limitasyon para sa mga gumagamit, legal na entidad, bansa ng gumagamit, at bansa ng legal na entidad ay nakaayos sa mga grupo. Bawat grupo ay maaari lamang maglaman ng isang uri ng limitasyon (halimbawa, bansa ng gumagamit), ngunit maaaring magkaroon ng higit sa isang grupo. Upang magdagdag ng grupo, i-click ang Add group.
   • Kung magdadagdag ng limitasyon sa antas ng gumagamit, piliin ang User mula sa Grouping level na menu. Pagkatapos, ilagay ang pangalan ng gumagamit na nais ninyong limitahan sa Add users na field. Piliin ang pangalan ng tamang gumagamit kapag lumitaw ito. Ang gumagamit na ito ay madaragdag sa listahan ng mga may limitasyon. Maaari kayong magdagdag ng kahit ilang gumagamit ayon sa pangangailangan.
   • Kung magdadagdag ng limitasyon sa antas ng legal na entidad, piliin ang Legal entity mula sa Grouping level na menu. Pagkatapos, ilagay ang pangalan ng legal na entidad na nais ninyong limitahan sa Add legal entity na field. Piliin ang pangalan ng tamang legal na entidad kapag lumitaw ito. Ang mga gumagamit sa legal na entidad na ito ay madaragdag sa listahan ng mga may limitasyon. Maaari kayong magdagdag ng kahit ilang legal na entidad ayon sa pangangailangan.
   • Kung magdadagdag ng limitasyon sa bansa ng gumagamit o bansa ng legal na entidad, piliin ang alinman sa User country or Legal entity country mula sa Grouping level na menu. Pagkatapos, hanapin ang pangalan ng nais na bansa sa Add country/regionna field. Piliin ang pangalan ng tamang bansa kapag lumitaw ito. Ang mga gumagamit sa bansang iyon o mga gumagamit sa legal na entidad na matatagpuan sa bansang iyon (depende sa napiling grouping level) ay madaragdag sa listahan ng mga may limitasyon. Maaari kayong magdagdag ng kahit ilang bansa ayon sa pangangailangan.
     • Tandaan: Alin sa dalawang mekanismo ng limitasyon batay sa bansa ang gagamitin ay nakadepende kung ang mga biyahero ninyo ay nauugnay sa bansa batay sa kanilang user profile o legal na entidad.
   • Kung nais maglagay ng dahilan para sa mga limitasyong ito, i-click ang Add reason. Pagkatapos, ilagay ang dahilan kung bakit nililimitahan ang mga gumagamit, legal na entidad, at/o bansa sa pagbu-book. Makikita ng mga apektadong gumagamit ang dahilan na ito kapag sinubukan nilang mag-book.
7. I-click ang Save kapag tapos na. Hihilingan kayong maglagay ng pangalan para sa inyong bagong limitasyon. 
8. Ilagay ang pangalan sa Name na field at i-click ang Save. Lahat ng gumagamit at legal na entidad na sakop ng inyong limitasyon ay hindi na papayagang makapag-book. 

Kaugnay na mga paksa

• Mga prayoridad at nililimitahang supplier
• Paglimita ng hotel booking gamit ang keyword
• Paglimita ng travel booking batay sa lokasyon